Wie war des noch als Jubilar?
Wu mer zwar grau doch jung schtets war?
Zuletscht war’n mir im ganze Land
die Bänd mit’m hechschte Krankeschtand!
Es macht zwar als‘emool die Rund:
Ääner wär ball‘ widder g’sund...
...mittlerweil‘, nochdem Vadderdag unn‘ Schtrohhutfescht vorbei sinn‘ wollten mir uns gern mol bedanke. Bei Eisch. Ihr, die uns so viele Johre treu‘ uff alle Konzerte folgen unn‘ immer mit Zuschpruch unn‘ Kritik bei uns seid. Es war bis jetzt, das war zu erwarte‘ e‘ rescht turbulentes Johr mit viele unn‘ - des därf mer nit immer vorraussetze‘- viele schääne Iwwerraschunge‘. Aag’fange vum Konzert in Gleis 4 im Januar, Deides’m im Februar unn‘ Pirmasens im März. Alles eher klääne awwer schääne Veraa’schtaltunge. Gleis 4 vertraacht sischerlisch e‘ Wiederholung näckschtes Johr unn‘ noch Pirmasene bzw. noch Trulbe‘ kumme’mer jo des Johr aach nochemool. Liewe Grieß aach nochemol an die Feierwehr aus Donsieders.
Der naie Blog, e‘ naiie Sait,
wer sisch auskennt, weeß Beschaid!
Die alt‘ Sait hot mer lamentiert,
wär iwwerhaupt nit schtrukturiert.
Mer misst, um’s mool verschtändlisch auszudricke
fer Alles schtändisch zu oft gligge.
Sie war halt gar nimmie zu rischte –
Jetz‘ is’se Teil uns’rer Geschischte.
