Der naie Blog, e‘ naiie Sait,

wer sisch auskennt, weeß Beschaid!

Die alt‘ Sait hot mer lamentiert,

wär iwwerhaupt nit schtrukturiert.

Mer misst, um’s mool verschtändlisch auszudricke

fer Alles schtändisch zu oft gligge.

Sie war halt gar nimmie zu rischte –

Jetz‘ is’se Teil uns’rer Geschischte.

 Deswege laden mir Eisch heit

all ei‘ uff unser naiie Sait.

Um alle Knepscher mol zu dricke

unn‘ alle Bildscher aa’zukligge.

Weil, daß alles funktioniert

weeß mer erscht wann mers probiert!

Es gebt – des war des Edsels Wille

jetzt e‘ Zone um zu tschille

unn‘ in uns’re Galerie

naie Bilder – do guck hie!

Trotz all‘ dem naie bleibt des alte

Gäschtebischel uns erhalte

unn es däät uns eckisch free’e

wann mer naie Oitreeg sehe‘.

 

Fer ins Bett ruft schun die Uhr,

doch einsam an de‘ Taschtadur

klappert im Laternelischt

en anonymer Giddarischd.

Des bin wiedä isch gewese

unn‘ Ihr kännts im Blog drin lese,

 

liewe Grieß,de Edsel!